東京遊---DAY 4 & 完結篇

一早起身,大陽似乎等我們好耐,就連富士山的真面目都俾我們見到,聽導遊講,富士山只有百多日先會睇得咁清楚,所以我們幫佢影咗靚仔相呢!

食完早餐之後,我們還趁有少少時間,繼續影富士山,由清清楚楚見到白雪蓋頂的富士山,不到20分鐘就已經俾白雲姐姐搶了他的風頭,最後只剩番藍天與白雲,再看不見富士山了.

當旅遊車離開溫泉旅館時,旅館的工作人員向我們行鞠躬禮和揮手,這是日本人的禮貌,亦可能呢個原因,很多遊客都喜歡到日本旅行.

當旅遊車到達hello kitty land後,很多小朋友同大朋友都非常開心,遙妹仲更加開心啦,因為佢係hello kitty的"粉絲",而我喜歡的是kurumi,係melody的死對頭,不過我鐘意她夠魔鬼呢:P

如果將逛銀座的其中的一小時放在hello kitty land,咁就perfect呢,因為hello kitty land對面有幾個商場同100yen店,今次終於可以來到一百yen店呢,食品太多數係100yen,所以我們只經入咗幾多貨在呢度呢,就連細細罐的飲品都係100yen for 2,簡直俾香港平3成呢,果度真係都幾大,應有盡有,可惜我們沒有足夠時間去逛,所以我們就奪命狂奔一樣拼命去掃貨,我們差D都遲到,幸好我們到準時趕到集合時間,兼可以在hello kitty land買到福袋呢~~

行完hello kitty land之後,我們到銀座shopping,可能銀座的貨品不合心水,我們只在facel house買了一盒玄米茶同最新美白產品的禮盒set,包括美白面膜兩片,一枝美白精華&防曬霜(廣告正在熱播中)以及一枝美白lotion,價錢太約5000yen左右,比香港平4成左右,我覺得美白精華和美白面膜都幾吸收,而防曬霜比較乾身D,但佢好快吸收而且可以防面油,大家不妨一試.

到晚飯時候,我們除了食SABU SABU之外,更點了鐵板燒飽魚,而且都幾大隻呢,食落去好爽,可惜牛油味比較濃,如果可以清淡D就OK呢!

食完晚飯,我們還到池袋的sunshine city的酒店附近行夜街,果度似香港旺角一樣,不過有D店舖10零鐘就關門了,買不到想買的東西,但都到買護膚品掃了貨,跟住到便利買了雪糕回酒店,我呢次買似阿波羅的magic cone,香港果D cone皮係"林"的,但日本食果D係脆的,再加上又香又滑的雪糕,簡直係100分呢~ 我食果款雪糕要189YEN,大概港紙15元左右,但貴得來好好食.

逛完夜街,我們回酒店,因為我們要想怎樣pack我們的行李,由於買咗幾多野,所以我們要買多一個背嚢來裝戰利品.

----------------------------------------------------------------

行程到了最後一天,今天我們食完酒店的自助餐之後,便到一間專買珍珠的店舖,以前到大陸旅行,總有幾個的指定活動,有時真的不想去聽,但今次遊東京只有這個活動,可能言語上不通,反而有種新鮮感,日本的做法跟大陸唔同,大陸主要是HARD SELL貨品,但日本係用實力來吸引你去買,一D的壓逼都冇,而且呢間珍珠店,世界各地都有分別,連香港也有分店,所以有什麼保養都可以到香港分店做的.

買完珍珠之後,我們到雷門寺參觀及買手信,初時我們都唔知道到邊間去買手信,後來碰到導遊,導遊介紹呢間是比較正宗同好食,所以我們買到幾好食的草餅呢~~~

之後我們到一間鐵板燒店食燒烤兼自己加餸的松板牛柳,只稍為燒一燒就可以食得,食落去係入口即溶,仲有淡淡的牛味,果然好味道呢~~下次要帶爸媽去食先得,(但銀包的錢就唔方唔溶囉)>_< 而甜品就係350YEN的超甜的士多啤李,在香港要買成50幾元,仲係未必甜喎,但我未食之前,已經聞到好濃的士多啤李的香味,當我食第一粒時,又甜又多汁,係香港真係食唔到,可惜我們都冇Quota去買呢,因為怕冇手拎番屋企. 終於要回香港啦,在機場的免稅店,還買又平又抵的手信送給同事,朋友,而飛機餐都比去之前好食好多,可能日本的材料和水準都在香港之上. 飛機在10:30PM到達香港機場,而我們的東京之旅就完滿地結束......... (PS 下次真的要帶大的袋來裝戰利品,我和遙妹差D拎唔哂)

左及右上: 富士山山頂 左及右下: HELLO KITTY LAND AND KURUMI
左上,下和右上: HELLO KITTY LAND AND KURUMI的卡通人物

右下: 雷門寺的紀念碑

左及右上: 雷門寺的壁及神像

左下: 雷門寺的正門 右下: 雷門寺外的店舖貨品

東京遊---DAY 3

DAY 2晚上住的酒店是新横濱太子酒店,整座建築物是圓柱體形狀,像香港的怡和大廈,酒店內的房間地方很少,沒有很多的地方去放我們的行李,所以連床都是單人床.另外,我們還跟幾個團友去日本的居酒屋吃宵夜,食物水準不錯,也許日本的材料比較新鮮的關係,所以我覺得日本很多食物比香港更好吃! ^^


DAY 3的早上,我們首先去平和公園睇櫻花,我們只睇到八瓣櫻,但睇唔到五瓣櫻,之後去御殿場OUTLET shopping,途經有一個小型商店,專買很多土產, 記念品以及售買機兼扭蛋機,我也扭到幾個有日本傳統產品的章.


到了御殿場OUTLET之後, 我們盡量利用短短2個半鐘頭的時間,我買了一對nike波鞋, 一個高達模型.當我和遙妹行到很攰時, 我們去到麥當奴食咗香港冇得買的蝦餅堡餐, 烤卷餐同加10元的Premium coffee, 當地只要100YEN就可以飲到,而且比香港更有咖啡味,更苦呢, 不過真係好好飲囉.但係果度的軟雪糕真係好貴,要成2佰幾YEN,差不多港紙20元,所以我們都冇試過,其實在日本便利店買的雪糕已經比香港好食好多倍,皆因日本的牛奶係最滑呢!

shopping 之後,我們到了富士急遊樂場,我和遙妹都冇玩任何遊戲,只是到處參觀,因為果度的機動遊戲實在太剌激啦! 我怕自己頂唔順,所以就冇玩LU.雖然冇玩呢D遊戲,但我都果度買些手信,而且有些係限定版添!
富士急遊樂場有3個最剌激的過山車,包括一個係速度最快的過山車(DODOMPA),由起動至172公里只需1.8秒; 一個就係擁有全世界最大落差的過山車(FUJIYAMA),而落差有79m,這紀錄已入健力士紀錄大全.另外仲有一個最最最厲害的過山車(え)(中文解"咁都得"),因為呢個過山車係會不規則360度轉,你唔知道幾時轉緊你,只知道你自己不停俾過山車係咁轉,而且開始玩時,全部人都係倒轉來玩,所以每個人都要將身上的物件除低,包括對鞋,呢個係凌空吊腳玩的過山車.剌激指數爆哂燈,想挑戰高難度的朋友,可以去呢個遊樂場玩,包物超所值~

玩完咁激的機動遊戲,當然要浸溫泉舒服一下,而果晚吃的係自助餐再加特別訂製的魚生船(12000YEN),有三文魚,拖羅,甜蝦,海胆,北寄貝,新鮮的帶子,唔記得名的魚生,仲有手指咁粗而味道超甜的蝦,形狀似大頭蝦和對蝦的混合體,我們食完個魚生船已經飽哂,再加當地的雪糕,簡直係"正呀"

嘆完美味魚生後, 睇咗一陣估估下的日本電視節目,我們著住浴袍去浸溫泉,之前我都有D尷尬, 去到果陣時,浸的人明顯少咗,所以放鬆心情落去浸,果然浸完之後,成個人簡直飲完酒一樣, 紅光滿面,而且似武俠小說寫果D俾高人打通奇經八脈後,血氣運行全身一樣.

果晚訓得好舒服呀! きもち！！！

左上和下: 平和公園的櫻花 右上:建築中的觀音塔 右下: 金剛力士廟
左上和下以及右上: 麥記的食品,當中咖啡苦過廿四味,薯條好食過香港幾倍

右下: 富士急遊樂場的摩天輪

左上: 海盜船 右上:嚇到你死的恐怖屋,D叫聲連數公里都聽到,咪話唔驚:S

左及右下: 當晚的魚生船,(有手指咁粗的超甜蝦)おし！！！

東京遊---DAY 2

繼續DAY 1的旅程, 第一晚住的酒店都算不錯的, 所有的酒店設備都有,地方可算是幾大,我和遙妹的牀都是雙人床,另外,房間有一張貴妃椅,確實幾特別呀!! 而果間酒店就叫做千葉酒店,下次可以去住一晚.

不過我們住幾晚的天氣都算幾涼,大概每日溫度是17,18度(中午時分),如果一早一晚的時候,你都咪話唔凍呀 :S~~~

最唔好的是日本會開暖氣訓覺,所以成晚都覺得少少焗,而我想唔要被,但怕自己會再"冷親",所以成晚都訓得唔舒服.

DAY 2 朝早, 我們還擔心去到廸士尼公園會落大雨,但幸好天公造美,當旅遊車去到主題公園時, 天氣就冇再落雨,真係好彩呀))))

我今次去玩的樂園是海洋世界,因為日本的廸士尼同香港形式差不多,只不過地方比香港大,而且入面的遊戲都玩過哂,當然順理成章去玩海洋世界呢!

在海洋世界入面,有幾個遊戲必定要玩的,包括;

發現港

<風暴騎士>

失落河三角洲

<印第安瓊斯之冒險旅程: 水晶骷髏頭魔宮>

<忿怒雙神>

阿拉伯海岸

<辛巴達傳奇之旅>

<神燈劇場>

美人湖礁湖

<美人湖礁湖劇場>

神秘島

<地心探險之旅>

美國海濱

<驚魂古塔>

以上所有遊戲都有Fast Pass 設備,如果你玩完這些遊戲,差不多成個樂園都玩哂呀!

最好坐船仔到發現港,跟住順時針一直玩落去會比較快D~~~

但是我們沒有玩哂所有遊戲,因為我和遙妹及兩位團友乘了JR火車去幕張outlet掃貨,原本17分鐘的車程,因我們搭錯線,還要加多半小時才到達目的地,唉~~~~

到了幕張outlet之後, 我們四人一齊到某間拉麵店醫肚,因為我們實在太肚餓,由10點多鐘食了米奇雪條之後,我再冇食過野,個胃已經開始投訴,好彩我食了拉麵同飯醫肚,日本的飯果然好好食,食落去似橡皮糖口感,但質感幾好食呢^^

我買了一條nike運動褲-2000YEN,但遙妹卻沒有戰利品,而我們食了香港有得買的雪糕pancake,佢的皮比香港好食好多.當你食過日本的,你就唔會再食香港果D日本食品呢~~~

之後,我們又要趕回廸士尼樂園等候旅遊車,趁旅遊未到之時,我們買了很多廸士尼25週年紀念商品呢~~~(這些戰利品會在戰利品篇內刊登)

還有,遙妹影了海洋世界的美麗相片^^

左:海洋世界的地球噴水池; 右:海洋世界的入口
左: 神秘島的火山, 右:買手信的堡壘
左: 神燈劇場, 右: 忿怒雙神
左及右: 驚魂古塔
左及右: 廸士尼的25週年花卉
左: 發現港, 右: 美麗的歐陸建築

如大家想知道點樣用最快捷方法去玩哂所有遊戲, 請看以下海洋世界的地圖.

東京遊 ---- DAY 1

這次五日四夜的東京之旅,行程非常順利,我和妹妹都沒有遺失物件,只是落機場巴士時,有位好心的大隻男仕幫我們拿部份行李放在地上,因為我們都沒力去拿呢,實在太多了!!!

第一日的行程主要在飛機上渡過,而今次乘搭是日航,整體上都算是不錯,但去東京的飛機餐的味道不太好吃,而且機裏的空氣很焗,令我要去洗手間抖一抖. >_<
坐了3個幾鐘航程,終於到成田機場啦!!!!! 前往入境處的地方,我們要搭無人駕駛列車,但很多人都不守秩序,所以在這車中迫到好似沙甸魚. 日本過入境處跟香港不同,香港是每個人去辦理,但日本可以一對一齊辦理的. 而且,日本關員會問是否一齊.其實在日本只講少部份英文就可以呢,因為日本人多數唔熟悉英文.只要加點身體語言就可以簡單的溝通. 不過,入境速度有點兒慢呢, 而且還有一個做排隊做分流.其實那天我的病還未好,再加上在飛機上太過焗的關係,我成身都很"興",差些我自己以為發燒呢!

然後,第一站就是台場,即是日劇"戀愛世紀"的場景---- 彩虹橋

因為那天晚上落得幾大雨兼氣溫只得十多度,咪話"唔凍"囉,在出發去台場之前,導遊NANA已經千叮萬囑叫我們拿外套出來,以備不時之需,而我本身已穿了一件被厚的外衣都覺得很"冷"啊(因為我帶病在身嘛>_<)

<)

台場除了彩虹橋,還有自由神像的景點,不過size比美國當然冇得比啦!

但我覺得最靚的是摩天輪,因為落雨關係,彩虹橋同自由神像兩者都看不清楚,唯獨是摩天輪週圍閃著不同顏色的燈泡,令到摩天輪更加美麗,更加浪漫,可惜今次沒時間去坐它呢! (真掃興!)

我們還參觀豐田展覽館,palette town,aqua city,還食到香港人比較啱口味的日本拉麵呢!

可惜,我們找拉麵國技館而迷路, 而且還問很多人都幫不到我們,當我們累到走不到時,幸運地遇上團友,叫他打電話給導遊, 打給導遊時又剛巧他在我們附近,所以他帶我們去吃拉麵,幸好遇上團友,再而遇上導遊,我們才可以食到香港吃不到的日本拉麵呢!! おいでね^^

我們叫的黑豚肉拉麵,人氣是no. 2的,因為no.1的份量比較多,所以點了no.2的.

湯底是很濃的豬骨湯味,蛋做得比糖心蛋更好吃,連我不喜歡吃蛋都愛上這蛋呢~~

麵身似蝦子麵,而豬肉片是半肥瘦的,由於我們實在太餓關係,所有食物都變得特別好味道~~~

食完拉麵之後,我們還繼續shopping,我買了第一個agnes'b紫色袋,在香港買要HK$1600-1800,但日本買只是15000yen(HK$1,100),比香港平了40%以上!

如果唔買的話,我今次旅程一定有些遺憾,而且可以即時退稅呢! yeah!!!

左上角是豐田車展覽館

右上角是palette town的噴水池

左下角是摩天輪

右下角是黑豚肉拉麵

~~~以上照片由遙妹提供~~~

我回來了啦~~~

我終於回來了啦~~~

行李多到差D攞唔哂呀! >_<

不過,呢個旅程玩得好開心!!!!!!!!!!!!!

向東京出發!!!!

小妹明天會去日本東京旅行5天,事前的準備都七七八八,還未向銀行詢問有關海外簽賬的問題.

另外我還要準備一份去玩,放肆shopping的心情,哈哈))))))))))

所以下月再見啦!!!

各位俊男美女, 你們會想念我嗎? ^^