利苑飯局

今晚同aunt, uncle 和表弟係觀塘APM的利苑食飯,一共八人去吃新年餐.

首先來個雞燉排翅,真係見到成排翅呀! (本來想影相呀,可惜待應已幫我們每人一碗),而湯用雞,豬肉和魚一齊燉,所以份量十足,翅有口感,雖然條翅唔係牙簽咁粗,但已經好好味,這次係小妹第一次食到的排翅呢,好好味呀)))))))))

跟著係露荀炒象拔蚌,象拔蚌爽口彈牙,唯一美中不足係比較油一點呢.

玫瑰雞都唔錯呢,不太肥,肉質鮮嫩,水準好過美心酒樓呢.

魚湯浸豆苗,有炒過的蒜茸舖在上面,味道清而不淡.

荷葉飯乾身而不油膩,符合健康人仕食呢.

甜品卻是一般,因為套餐已包的,所以沒有很大的驚喜.

成個套餐最差的係冬荀燴龍躉腩及豉油大蝦,龍躉腩太多骨,而大蝦的肉煮得太老,白白浪費大蝦.

最後結賬差不多要三百多元一位,而整體水準已算是不錯呢,至少有排翅食嘛!