原來死神可以這麼接近!

今日小妹一家人出去食飯,就搭270A回家,在粉嶺往上水方向的途中而我正在玩緊NDS的時候,車身突然搖晃不定,好似坐緊過山車,我聽到很多人驚叫,到車停的時候,我將NDS放回袋中,然後望出面的情況,卻發現死了火的警車被我們乘搭巴士撞到玻璃碎哂,遙媽見到警察即刻跑到公路旁的鐵柱避開巴士,幸好全巴士乘客及警察都沒有受傷,我們等了一陣,所有人都要落車,我見到的情況後,發覺死神如此接近我們,彷彿死神向我們招手一樣,生死縣於一線....

呢幾張係用手機拍出來,更好彩我們坐在上層的最後的坐位,如果坐在前面的話........

小妹blog有得留低定冇得留低?

小妹發覺很多blog友默默支持我,這兩天都收到很多意見,係時候玩投票決定有冇得留低?

我會舉行<小妹BLOG有得留低?>的調查,所以快D來投票啦!!!

到6月30日23:59便會截止啦!

結果會到7月1日凌晨便知道答案了~~~

各位! 小妹blog要關門啦!!

今年下半年會是我比較忙錄,要讀碩士課程之外,還要報讀中文的普通話班,為未來語文基準的普通話試做準備,所以有一段長時間都沒有時間寫blog了.

不經不覺,我寫blog差不多都有10個月,在這10個月得到很多blog友的關心和支持,真係非常感激各位,多謝!

今天看完"向世界出發",旁白講述一句說話令我很touching,就係人一定要開花結果?

當時周海湄答,我從來冇想過呢個問題,有的當然係好啦!正如我答案都跟她一樣,因為我都很喜歡自由,可以無牽無掛想做自己的事情.

植物都因不同因素而不能開花結果,更何況是人?

而且每個人對愛情佔人生比例都各有不同,很難要斷定,只在乎自己怎樣看法.

Anyway,6月30便是小妹blog的最後一天,之後這個blog會被小妹刪除,希望小妹能給大家一個開心的回憶.

有緣的話,小妹會在網絡世界的另一地方再見大家!

各位,後會有期!!!!

送上一首<朋友別哭>給大家

東京遊---DAY 4 & 完結篇

一早起身,大陽似乎等我們好耐,就連富士山的真面目都俾我們見到,聽導遊講,富士山只有百多日先會睇得咁清楚,所以我們幫佢影咗靚仔相呢!

食完早餐之後,我們還趁有少少時間,繼續影富士山,由清清楚楚見到白雪蓋頂的富士山,不到20分鐘就已經俾白雲姐姐搶了他的風頭,最後只剩番藍天與白雲,再看不見富士山了.

當旅遊車離開溫泉旅館時,旅館的工作人員向我們行鞠躬禮和揮手,這是日本人的禮貌,亦可能呢個原因,很多遊客都喜歡到日本旅行.

當旅遊車到達hello kitty land後,很多小朋友同大朋友都非常開心,遙妹仲更加開心啦,因為佢係hello kitty的"粉絲",而我喜歡的是kurumi,係melody的死對頭,不過我鐘意她夠魔鬼呢:P

如果將逛銀座的其中的一小時放在hello kitty land,咁就perfect呢,因為hello kitty land對面有幾個商場同100yen店,今次終於可以來到一百yen店呢,食品太多數係100yen,所以我們只經入咗幾多貨在呢度呢,就連細細罐的飲品都係100yen for 2,簡直俾香港平3成呢,果度真係都幾大,應有盡有,可惜我們沒有足夠時間去逛,所以我們就奪命狂奔一樣拼命去掃貨,我們差D都遲到,幸好我們到準時趕到集合時間,兼可以在hello kitty land買到福袋呢~~

行完hello kitty land之後,我們到銀座shopping,可能銀座的貨品不合心水,我們只在facel house買了一盒玄米茶同最新美白產品的禮盒set,包括美白面膜兩片,一枝美白精華&防曬霜(廣告正在熱播中)以及一枝美白lotion,價錢太約5000yen左右,比香港平4成左右,我覺得美白精華和美白面膜都幾吸收,而防曬霜比較乾身D,但佢好快吸收而且可以防面油,大家不妨一試.

到晚飯時候,我們除了食SABU SABU之外,更點了鐵板燒飽魚,而且都幾大隻呢,食落去好爽,可惜牛油味比較濃,如果可以清淡D就OK呢!

食完晚飯,我們還到池袋的sunshine city的酒店附近行夜街,果度似香港旺角一樣,不過有D店舖10零鐘就關門了,買不到想買的東西,但都到買護膚品掃了貨,跟住到便利買了雪糕回酒店,我呢次買似阿波羅的magic cone,香港果D cone皮係"林"的,但日本食果D係脆的,再加上又香又滑的雪糕,簡直係100分呢~ 我食果款雪糕要189YEN,大概港紙15元左右,但貴得來好好食.

逛完夜街,我們回酒店,因為我們要想怎樣pack我們的行李,由於買咗幾多野,所以我們要買多一個背嚢來裝戰利品.

----------------------------------------------------------------

行程到了最後一天,今天我們食完酒店的自助餐之後,便到一間專買珍珠的店舖,以前到大陸旅行,總有幾個的指定活動,有時真的不想去聽,但今次遊東京只有這個活動,可能言語上不通,反而有種新鮮感,日本的做法跟大陸唔同,大陸主要是HARD SELL貨品,但日本係用實力來吸引你去買,一D的壓逼都冇,而且呢間珍珠店,世界各地都有分別,連香港也有分店,所以有什麼保養都可以到香港分店做的.

買完珍珠之後,我們到雷門寺參觀及買手信,初時我們都唔知道到邊間去買手信,後來碰到導遊,導遊介紹呢間是比較正宗同好食,所以我們買到幾好食的草餅呢~~~

之後我們到一間鐵板燒店食燒烤兼自己加餸的松板牛柳,只稍為燒一燒就可以食得,食落去係入口即溶,仲有淡淡的牛味,果然好味道呢~~下次要帶爸媽去食先得,(但銀包的錢就唔方唔溶囉)>_< 而甜品就係350YEN的超甜的士多啤李,在香港要買成50幾元,仲係未必甜喎,但我未食之前,已經聞到好濃的士多啤李的香味,當我食第一粒時,又甜又多汁,係香港真係食唔到,可惜我們都冇Quota去買呢,因為怕冇手拎番屋企. 終於要回香港啦,在機場的免稅店,還買又平又抵的手信送給同事,朋友,而飛機餐都比去之前好食好多,可能日本的材料和水準都在香港之上. 飛機在10:30PM到達香港機場,而我們的東京之旅就完滿地結束......... (PS 下次真的要帶大的袋來裝戰利品,我和遙妹差D拎唔哂)

左及右上: 富士山山頂 左及右下: HELLO KITTY LAND AND KURUMI
左上,下和右上: HELLO KITTY LAND AND KURUMI的卡通人物

右下: 雷門寺的紀念碑

左及右上: 雷門寺的壁及神像

左下: 雷門寺的正門 右下: 雷門寺外的店舖貨品

東京遊---DAY 3

DAY 2晚上住的酒店是新横濱太子酒店,整座建築物是圓柱體形狀,像香港的怡和大廈,酒店內的房間地方很少,沒有很多的地方去放我們的行李,所以連床都是單人床.另外,我們還跟幾個團友去日本的居酒屋吃宵夜,食物水準不錯,也許日本的材料比較新鮮的關係,所以我覺得日本很多食物比香港更好吃! ^^


DAY 3的早上,我們首先去平和公園睇櫻花,我們只睇到八瓣櫻,但睇唔到五瓣櫻,之後去御殿場OUTLET shopping,途經有一個小型商店,專買很多土產, 記念品以及售買機兼扭蛋機,我也扭到幾個有日本傳統產品的章.


到了御殿場OUTLET之後, 我們盡量利用短短2個半鐘頭的時間,我買了一對nike波鞋, 一個高達模型.當我和遙妹行到很攰時, 我們去到麥當奴食咗香港冇得買的蝦餅堡餐, 烤卷餐同加10元的Premium coffee, 當地只要100YEN就可以飲到,而且比香港更有咖啡味,更苦呢, 不過真係好好飲囉.但係果度的軟雪糕真係好貴,要成2佰幾YEN,差不多港紙20元,所以我們都冇試過,其實在日本便利店買的雪糕已經比香港好食好多倍,皆因日本的牛奶係最滑呢!

shopping 之後,我們到了富士急遊樂場,我和遙妹都冇玩任何遊戲,只是到處參觀,因為果度的機動遊戲實在太剌激啦! 我怕自己頂唔順,所以就冇玩LU.雖然冇玩呢D遊戲,但我都果度買些手信,而且有些係限定版添!
富士急遊樂場有3個最剌激的過山車,包括一個係速度最快的過山車(DODOMPA),由起動至172公里只需1.8秒; 一個就係擁有全世界最大落差的過山車(FUJIYAMA),而落差有79m,這紀錄已入健力士紀錄大全.另外仲有一個最最最厲害的過山車(え)(中文解"咁都得"),因為呢個過山車係會不規則360度轉,你唔知道幾時轉緊你,只知道你自己不停俾過山車係咁轉,而且開始玩時,全部人都係倒轉來玩,所以每個人都要將身上的物件除低,包括對鞋,呢個係凌空吊腳玩的過山車.剌激指數爆哂燈,想挑戰高難度的朋友,可以去呢個遊樂場玩,包物超所值~

玩完咁激的機動遊戲,當然要浸溫泉舒服一下,而果晚吃的係自助餐再加特別訂製的魚生船(12000YEN),有三文魚,拖羅,甜蝦,海胆,北寄貝,新鮮的帶子,唔記得名的魚生,仲有手指咁粗而味道超甜的蝦,形狀似大頭蝦和對蝦的混合體,我們食完個魚生船已經飽哂,再加當地的雪糕,簡直係"正呀"

嘆完美味魚生後, 睇咗一陣估估下的日本電視節目,我們著住浴袍去浸溫泉,之前我都有D尷尬, 去到果陣時,浸的人明顯少咗,所以放鬆心情落去浸,果然浸完之後,成個人簡直飲完酒一樣, 紅光滿面,而且似武俠小說寫果D俾高人打通奇經八脈後,血氣運行全身一樣.

果晚訓得好舒服呀! きもち！！！

左上和下: 平和公園的櫻花 右上:建築中的觀音塔 右下: 金剛力士廟
左上和下以及右上: 麥記的食品,當中咖啡苦過廿四味,薯條好食過香港幾倍

右下: 富士急遊樂場的摩天輪

左上: 海盜船 右上:嚇到你死的恐怖屋,D叫聲連數公里都聽到,咪話唔驚:S

左及右下: 當晚的魚生船,(有手指咁粗的超甜蝦)おし！！！

四川同胞, 努力活在當下

近日小妹看了不少的四川地震的片段及賑災的節目,當見到這些情景時, 不期然會想起要珍惜眼前親人,朋友.而且地震發生一星期後,每天的報導都是地震的消息,尤其午飯時看到後,食不下咽.但我仍然堅持不浪費食物,因為這世界上還有好多人長期捱餓,就要好好珍惜食物和水, 是地球賜給萬物的珍貴資源.

當小妹知道捐款的戶口,就立即到銀行捐款,我希望各個慈善團體能好好利用一分一毫去幫助四川同胞.

然而,小妹希望地方幹部,商人不要中飽私囊,這是我們救濟同胞的錢.如果連這些錢都要貪的話,如緬甸軍政府沒有分別,豬狗不如.

"四川同胞, 努力活在當下,便是對所有人送一份珍貴的禮物"

另外,小妹有感而發唱了一首張學友的歌, 希望讓祝福滿遍整個四川.............

祝福(清唱版)



不 要 問 　 不 要 說 　 一 切 盡 在 不 言 中 　
這 一 刻 　 偎 著 燭 光 讓 我 們 靜 靜 的 渡 過
莫 揮 手 　 莫 回 頭 　 當 我 唱 起 這 首 歌 　
怕 只 怕 淚 水 輕 輕 的 滑 落
願 心 中 永 遠 留 著 我 的 笑 容 　
伴 你 走 過 每 一 個 春 夏 秋 冬
幾 許 愁 　 幾 許 憂 　 人 生 難 免 苦 與 痛 　
失 去 過 　 才 能 真 正 懂 得 去 珍 借 和 擁 有
情 難 捨 　 人 難 留 　 今 朝 一 別 各 西 東 　
冷 和 熱 　 點 點 滴 滴 在 心 頭
願 心 中 永 遠 留 著 我 的 笑 容 　
伴 你 走 過 每 一 個 春 夏 秋 冬
傷 離 別 　 離 別 雖 然 在 眼 前 　
說 再 見 　 再 見 不 會 太 遙 遠
若 有 緣 　 有 緣 就 能 其 待 明 天 　
你 和 我 重 逢 在 燦 爛 的 季 節
不 要 問 　 不 要 說 　 一 切 盡 在 不 言 中 　
這 一 刻 　 偎 著 燭 光 讓 我 們 靜 靜 的 渡 過
莫 揮 手 　 莫 回 頭 　 當 我 唱 起 這 首 歌 　
願 心 中 留 著 笑 容 　 伴 你 渡 過 每 個 春 夏 秋 冬



(PS 小妹今次用的軟件只是DEMO版本,所以只錄得2分鐘的歌,請多多見諒!)