機械手錶

小妹一向以來都喜歡手工精細的東西,尤其是會動的,更加喜愛.

因為我覺得看見它不停地動,那種感覺可以令我暫時忘記煩擾,所以我甚喜愛機械手錶.

由於機械手錶既精細又會動的東西,而且還可以整天帶著它,當自己腦閉塞時,拿它出來看一下,也許它真的可以幫你的腦"通渠"呢! ^^

可惜它的價錢實在令人有點咋舌,普通的都要差不多要五百元(沒有名氣的牌子),如果是名牌的話,那就要千元之上.

小妹暫時不想買這麼貴的錶,因為很名貴的不會拿出來戴的,只有放在保險箱.

幸好上天給我一個機會去遇到它,它是一個卡通牌子的機械手錶,而且這卡通牌子是我喜愛之一 --- 姆名
還要價錢合理,所以我決定帶它回家呢!

那天得到它的心情實在太興奮呢!!

機械手錶有一個致命的缺點就是常上鏈,但我怕上得多會弄斷鏈,所以我每次都要一邊聽就一邊上啊~~~




PS 這幅相會有D矇,因為我找不到相機,只好用手機去影呢! 要大家費神去睇,真不好意思! >_<

數不清的MISSING

我今日錯過很多事情, 有趕不到的火車班次, 趕不到的電梯, 以及電視節目.

有人說: 一個巧合是由數個至無數的錯過所造成. 當時我聽這番話都有些保留, 但今日我終於知道這句話是真的.

其實今天我在某間韓國護膚品牌做完FACIAL後, 我的consultant問我有興趣買護膚品, 因為今個月做優惠, 三件貨品有半價, 本來我想等下次優惠的, 但想買些洗面的, 結果就買了day cream (spf 15+), moisture serum and cleansing gel. 三件貨品總共HK$390, 我覺得都幾便宜的, 因為化粧品是有稅的.

買完護膚品後, 我就急急腳回家, 因為今天一家人在家打邊爐嘛, 所以我用極速的狀態10分鐘完成金馬倫道到紅磡火車站的路程.

當我開始順番條氣的時候, 有個很年青的帥哥(貌似飛輪海的吳尊) 問我這火車可以去九龍塘嗎? 我回答他: 可以唷! 然後他跟說我謝謝唷!

他的帥令我有點窒息, 因為他的皮膚很好, 又白又滑, 而且他整張臉是沒有瑕疵的, 還有紅紅的嘴及黑黑的頭髮, 真是被他的帥變呆呢!

當我回頭望他的時候, 他好像陪媽媽去旅行, 他媽媽也是皮膚很好的太太.

假如我沒有買東西, 便不用趕火車, 可能我遇不到帥哥向我問路, 呵呵!

所以我覺得有時錯過一些事並不是不好的, 正所為賽翁失馬, 焉知飛福!

七個最不想收到的聖誕禮物

今天是聖誕節, 當然每個人都想收到聖誕禮物, 但某些禮物是任何一個都不想收到的.



七大最令人不開心的禮物

1. 利是封 -----> 等人派利是俾你呀!


2. 護膚品(不包括沐浴禮品) -----> 唔係每個人都啱用呀!


3. 工藝品 ------> 只係得個" 擺"字


4. 信用咭迎新禮品 ----->太多數唔啱用


5. 書藉, 漫畫 ------> 送給個人就OK, 但交換禮物就有點不太好!


6. 有瑕疪的禮物 ------>有點兒過份呢!


7. 杯, 茶具 ------->有得多人都唔想收到 ^_^

所以買禮物時要記住適合大多人可以用的東西, 皆因收到得物無所用的禮物時, 即時心情都差咗好多.



禮物除了那份心意之外, 還希望收到的人覺得實用兼利用價值.



PS 如禮物不適合自己用, 最好的方法就係捐去慈善機構和組織, 或互相交換

Merry Christmas

DEAR ALL,

MERRY CHRISTMAS AND ALL DREAMS COME TRUE!!!!!!!!!!

FROM 逍遙小妹

逍遙小妹帶你去張家界 ---- DAY 6 & 感受篇

DAY 6 係呢個旅程的最後一日, 果日我們食咗五星級酒店的早餐, 比起之前食的已經算最好, 畢竟張家界仍然處於開發之中, 很少外國人會來這裏旅行.

最後一晚所住的酒店係常德共和大酒店, 是一座集新概念五星級的城市會議休閒度假型酒店, 而酒店由主樓, 娛樂會議樓, 別墅及原生態湖區所組成.

但唯一美中不足的浴室的窗, 當外面有燈光時, 由外面係看不到浴室, 但外面燈光比浴室暗時, 如果有人在浴室沖涼時, 就會一覽無遺, 飽受眼福, 最適合情侶, 夫妻住呢, 嘿嘿!

由於遙爸跟另一個男團友住, 所以他對呢個古惑的窗非常不滿, 還向領隊反映.

這古惑的窗令我想到喵喵在浴室沖涼, 而北北在外面欣賞喵喵出浴的誘惑姿態, 實在太誘人啊! 呵呵!!!

食過早餐之後, 我們要坐車到長沙機場, 係香港機場, 我們唔可以近距離見到飛機, 而長沙機場就可以做到, 因為我們要行一段路先登上飛機的.

由長沙飛到香港, 我的耳鳴比去長沙明顯地減輕咗好多, 但如果下次要去高原地方, 我都要睇定醫生LU.

今次張家界的旅程圓滿結束, 多謝各位收聽! BYE BYE!!!!


逍遙小妹感受篇

係呢個旅程入面, 我學識一樣好重要的東西, 就係適應力, 因為有時環境不許可時, 人就要作出適應, 正所為適者生存嘛!

點解我會被呢點深深體會呢? 因為張家界的景點與景點距離比較遠, 所以中途要廁所的設備非常簡陋, 甚至要去一間冇廁所的門如廁.

無論環境點惡劣都好, 我們應該要適應環境, 只有適應不同的環境, 我們先會珍惜現在所擁有的一切, 包括人和事.

逍遙小妹帶你去張家界 - DAY 5

今日早上就去到一個自費節目之一 ---- 寶峰湖.


我們坐遊覽船到湖上觀光, 湖上有些苗族唱山歌, 如果你可以對歌3句之上就可以娶苗女或嫁苗朗呢.
我在船上面不停地影相, 因為要捕捉果D不同形狀的怪石, 有貌似觀音, 烏龜, 還有大佛的肚臍呢, 只要加多D的想像力, 佢可以變成不同的型態.
呢個湖最大特色係有一塊巨石被水浸蝕到一條管道, 咁水經過巨石的孔噴出來.
另外, 一條巨大的瀑布從山上傾下來, 場面非常莊觀兼震撼.


遊完寶峰湖之後, 我們去到一間很出名的晝家, 佢用的唔係水彩, 油彩等常見的顏料, 而係用一些有顏色的石磨成粉來做顏料.然後用五顏六色的石粉去舖成畫, 所以呢D畫是立體的畫, 大多數的畫都係用張家界的風景, 而這些畫都係外國的畫展都得到獎, 他的名字叫做軍聲.佢的家境非常貧窮, 連買顏料的錢都沒有, 所以佢用呢D五顏六色的石粉來作畫.即使他成名之後, 他還用錢來興建美術學校來培育更多畫家, 真是取於社會, 用於社會.


午餐之後, 我們要坐3個小時的車回到長沙, 晚餐就係挪亞號遊輪享受豐富的自助晚餐, 以及夜遊湘江.


遊完湘江後, 我們去行長沙最旺的步行街 ---- 黃興南路步行商業街. 呢條步行街似尖沙咀的柏麗大道, 兩旁商店臨立, 再加不少的街頭小食.最道地的小食就係臭豆腐, 長沙的臭豆腐同香港唔同的, 外面的顏色係黑色, 黑到似一嚿炭咁, 有團友試過咁黑的臭豆腐後, 佢話味道還好, 不會太難食.


來到長沙的最後一晚, 我同遙爸媽到酒店的餐廳飲酒談天, 其實這三人行的日子過得真快, 我們差不多成12點幾先回到睡房搵周公.


還有DAY 4的下午, 我們坐小火車參觀十里畫廊欣賞天子山的山景, 因為從這兩天都係圍繞天子山參觀山林秀麗, 澎湃的瀑布.

逍遙小妹帶你去張家界 - DAY 4

DAY 3 & 4 的入場票都係同一張, 因為呢個武陵源風景區的票係採用最先進的GPS(全球定位儀)兼用自己的手指模做標記, 所以每張都係獨一無二.由於酒店同主題公園很近, 我們食完早餐之後, 就步行到主題公園入口.而當天的星期六關係, 好多人都在入口排隊, 而且仲有本地團一齊到呢個公園, 所以我地小小團就要爭取時間搭纜車.


由排隊到可以搭到纜車的時間需要太約一個鐘, 呢個時間已經算最快啦, 因為導遊話曾經有次要排4粒鐘先可以搭到, 所以小妹勸各位千萬不要係旺季去旅行.


搭完纜車, 我們去到賀龍公園, 導遊帶領我們行了一段路, 沿途已經可以睇到不同形狀的山峰, 由於果幾日都係幾大霧, 所以影的相都不太理想.
而團中有一對喜歡攝影的夫婦就會比較失望, 聽佢地講要返去屋企電腦要"執一執" .


終於到出名的天子峰啦!


係天子峰上面可以睇到仙女散花同禦筆峰, 呢2個峰要加D想像先可以睇得出, 然後我們到處行山徑, 沿途可以睇到山峰上的松樹, 除了睇咗大自然的鬼斧神功外, 仲有不同顏色的松樹.


我覺得松樹要係好好的環境下先可以生存, 而且山的空氣好, 少污染, 所以可以觀賞到咁靚的松樹. 每棵松樹都有佢的獨特的形態, 似不同的佳麗要SHOW俾遊客睇咁.


遊完賀龍公園後, 我們入咗公園裏入面的餐廳食味道不錯的午餐. 然後我們去搭霸龍電梯, 這條可以企五十人的霸龍電梯, 從山開鐅而成,而施工期間要少少犧牲一些自然環境, 所以我覺大自然係好偉大, 可以俾人類破壞而不出聲, 不過呢十幾年, 大自然已默默地起革命.


請各位好好珍惜地球!!!!!!!!!!!


PS 張家界的相我已POST咗上BLOG, 有時間請看右上角啦!

難能可貴的互相信任

今日睇<建築有情天>時, 看到伍詠薇焦急地查方中信的行踪, 令我想起以前往事.
原來信任係一樣很難得而珍貴的東西, 當大家彼此信任時, 什麼事都可以順利地去解決, 但雙方或單方向對方有疑時, 這段感情已亮起紅燈.

假如你已感到對方不信任時, 大家不如暫時分開, 趁這時間去重新反思這段感情.

男生和女生對信任有何看法?

小妹認為女生對自己男朋友會比較多疑, 因為她們很怕男朋友唔用情專一, 但有多少男朋友會怕女朋友唔用情專一?

當大家的另一伴發現對自己不忠時, 你會點做?

抉擇 (一)

一個有婦之夫想與他的前SEX PARTNER女子重溫舊日之情, 他知道那女子仍是單身. 而那女子自知道各樣條件都不及他妻子.

那女子知道他心裏還有點喜歡自己, 可惜神女無心.

如你是那女子, 你會點做?

A) 與他講清楚, 並勸他好好對自己的妻子.
B) 跟他玩一玩, 她覺得只是一場遊戲.

選擇 A 或 B?

逍遙小妹帶你去張家界 - DAY 3

係DAY 2 果晚, 我和遙爸媽自費去睇武陵源夜間風情表演, 呢個表演有兩部份, 第一個部份就係介紹湘西民族風情表演, 兼有一個好特別節目就係有一個男人可以唱到女聲,而且唱到真的一樣, 最厲害可以扮唔同樂器的聲音.

第二部份就係湖南氣功表演, 令我最深刻的兩個印象, 分別有一個赤腳行上燒紅的鐵片上, 佢行的方式唔係快速地跳過, 而係用腳" 卒"落去果D鐵片上面, 睇到我心到寒埋添.
而另外一個就係有一個氣功師夫用氣功訓係地下, 用2條石屎柱壓在佢上面(平均每條有400公斤), 仲要在場搵6個大肥佬,每個人平均超過180LBS企係石屎柱上面, 跟住師夫用氣功將2條石屎柱及6個大肥佬向上頂上去. 總重量都有400X2 +81X6 = 1286公斤. 氣功師夫真係好厲害.
如果你地下次去張家界的時候, 記得俾錢睇呢個表演, 簡直值回票價.

睇完表演之後, 返到酒店都成11點幾, 可能大家都好累, 我好快就進入夢鄉, 與周公子傾計 ^^


DAY 3 行程

上午搭車到武陵源風景區.
中午到黃石寨公園------> 六奇閣----->摘星台----->金鞭溪------>水繞四門
晚上到張家界綿天國際酒店品嘗武陵源三絕風味的晚餐.

咁點呢條溪叫做金鞭溪? 原因就係呢條溪流過金鞭岩, 因為呢個風景區主要的岩石係金鞭岩, 所以取名叫金鞭溪啦!

金鞭溪所經之地被譽為“世界上最美麗的峽谷”。

• 花果山：位於金鞭溪入口處，這里溪水平緩，河床相對開闊，一串瀑布從高山上傾斜而下，所以電視連續劇《西游記》就是以此處為花果山外景地方的。
• 金鞭岩：是張家界數以千計的奇峰怪石中又一典型，它從山間拔地而起，三面筆陡，有棱有角，金光閃爍，氣勢雄偉，因形同古代兵器中的鞭而得名。相傳，秦始皇趕山填海到此，因醉酒不慎墮落金鞭岩而化作石峰。
• 紫草潭：位於金鞭溪與砂刀溝匯合處。紫草谷為紫紅色砂岩，因經過流水多次衝刷成為槽狀，而名為紫草潭。潭水清澈見底，奇峰、綠樹、紫石映入潭底，斑駁陸離，水光鱗鱗，綠影搖曳，極為自然和諧。潭上的小橋是一塊完整的天然巨石所形成。
• 跳魚潭：位於紫草潭下游。若把金鞭溪比作絕代佳人，兩潭則是其一雙動人的眼睛。跳魚潭也是由溪水衝刷成的石槽，水流傾瀉入潭，形成落差，游魚產子期溯水而上，至此活蹦亂跳，故名跳魚潭。
• 張良墓：位于水繞四門柏柳岩下的孤台上。這是張家界重要的人文景觀之一。相傳，漢留侯張良在西漢江山奠定後，便隱匿於武陵源，並葬於此地。

武陵源三絕其中風味一絕令我奉獻咗第一次, 就係...............食兔肉啦!

兔肉的味道帶有少少的羊肉酥味, 肉的口感似食豬肉. 但遙媽試了一口就不再吃了, 因為她不喜歡吃野味.而喜歡試新事物的我當然唔會錯過食兔肉啦! 我覺得都OK啦! 或者體力消耗太多, 所以自己變得無肉不歡. 嘻嘻!

(PS 解答DAY 2 的答案係湖南人, 因為四川人唔怕食辣, 但湖南人只怕唔係辣呢.)

關於愛

小妹趁今天有多D時間錄音, 所以就揀咗楊千嬅的新歌all about love.
呢首歌令我有很多感觸, 因為呢首歌講到點樣去談愛情,但我覺得愛情根本係無字天書,沒有公式,沒有STEPS,更加沒有只有努力便會有成果.
其實愛情是不可能用理性去談的感情, 所以就讓愛情隨自己的心去喜歡就可以, 根本無需要被各種條件所限制,最重要是兩情相悅便是Forever Love.

(PS 在此多謝冬冬介紹呢首歌,老餅的技術幫忙,更要多謝你聽小妹唱歌)

All About Love

曲：楊鎮邦
詞：林若寧
編：雷頌德


一出生　純潔得天真
醫院裡得母親送上初吻
明白愛是結合耐性與犧牲

一初戀　只顧愛得狠
捉得太緊然後強烈抖震
明白愛未似當初母親一個吻

話我知　每個愛人教我愛情學會麼
只可證實彼此傷心過
旁人著緊不停將感情傳授我
相戀的理論重要麼
話我知　抱過愛人吻過愛人有幾多
方可以換來朋友到賀
難道一百歲至會找到他愛我

婚姻的　紅線怎麼穿
焦急兩手會將線也拉斷
明白愛別要為了償還心願
一生中　兜了幾多圈
兜一輩子尋求幸福樂園
明白愛為了開心再不可以怨

話我知　每個愛人教我愛情學會麼
只可證實彼此傷心過
旁人著緊不停將感情傳授我
相戀的理論重要麼
話我知　抱過愛人吻過愛人有幾多
方可以換來朋友到賀
如若一百歲我會找到他已不錯

如何如願　過去愛人每個愛人愛我麼
多少結實關係都摔破
如何認清生平的感情存在過
得到安慰又有幾多
話我知　抱過愛人吻過愛人有幾多
方可以換來朋友到賀
全部方法試過都不果
但母親的偏執會留給我
頑強地投入便沒有錯

逍遙頻道被外界干擾~~ >_<

本來今天想繼續錄逍遙頻道, 可惜錄得興起時, 被遙的細妹打擾, 被逼今天中止, 明天繼續.

因為我同佢係共用一個電腦兼房間, 錄音工作就要在一個人才可完成.

其實錄音真係要寧靜的環境先得呢~~~

想起今日可以有得錄, 可惜...................... 唉!!!!!!!!!!

或者呢D係天意

各位blog友就要辛苦地等明天呢~~~

張家界之旅 DAY 2

張家界之旅 DAY 2
第一日享受完五星級大酒店的設備, 第二日就要晨咁早起身啦~~ >_<~~
因為要去常德市參觀芙蓉鎮同鳳凰古城, 車程都需要4個鐘頭呀.由於我住的酒店每日都唔同,所以領隊每日都問團友有冇帶証件, 影相的MEMORY CARD, 錢等等.
因為佢話以往的經驗, 有D團友去到目的地才同佢講話係酒店忘記帶呢D物品, 皆因我們呢團係長者團, 果團年紀最細係我,所以佢特別提醒老友記.

車程期間, 導遊介紹芙蓉鎮同鳳凰古城同埋湖南的地理資料, 而且仲講解當地的飲食習慣.
佢話有一句說話可以知道湖南人最鐘意食什麼?
{四川人 辣不怕} {湖南人 不怕辣} 你估吓湖南人同四川人邊個鐘意食辣? 下回分解

經過食完又訓, 訓完又食的4個鐘頭的車程, 終於到達芙蓉鎮.芙蓉鎮以前的名字叫王城, 是秦漢時期酉陽城舊址, 係土家民族特色及兩千幾年的歷史文化古鎮, 長長的石板長街, 兩旁板門店舖反映淳樸的家民族風情,自從劉曉慶在1986年係這裏拍了芙蓉鎮呢套電影之後, 當地人就叫做芙蓉鎮啦!
而且芙蓉鎮最出名的食物就係米豆腐, 鐘意食的我當然唔會錯過啦!!

最出名食米豆腐就係113號店舖

米豆腐的外型似一條條類似銀針粉, 顏色綠綠地, 可惜口感就.............有D怪怪的, 似捉鬼咁死隊的么口水咁呢~~食完第一口之後就冇再食過LU.

仲有秘制薑糖, 蒿草粑的地道美食.

芙蓉鎮的店舖


食過八餸一湯的午餐之後, 又要坐2個半鐘頭車程到今日的主菜----> 鳳凰古城



當我去到鳳凰古城之後, 先感受到古城的氣氛, 好似返到古時的小城一樣, 沱江的兩岸有好多的亭台樓閣, 而且苗人係江邊洗衫, 連接兩邊的就依靠冇扶手的橋, 我很佩服當地人, 佢地可以在水流咁急的石橋上過.兩岸的橋有2條, 1 條高的石柱再加上木板, 另1條就只有矮矮的石柱所舖成.




點解叫做鳳凰古城?




因為西南有一座山好似鳯的形態, 因此而得名的, 而古城有2個主要的城門, 1 個叫做紅門, 至於另1個就.....唔記得咗呢~~~
因為古城地方大的原故, 所以我只係行咗一邊的古城, 如果有時間的話, 另一邊應該都係好靚呢~~
經過古城老店的盡頭, 有一個紀念鳳凰古城的紀念石碑及巨大鳳凰銅像水池.

古城最出名的係薑糖, 有大, 中, 小辣選擇, 適合喜歡不同的辣味的人仕.
本來我同遙爸媽想睇古城的夜景, 可惜遙爸媽都感到好累, 畢竟他們不是年青, 所以我錯過咗夜景的情況.
但當地導遊話古城夜景係五光十色照耀住古城, 而且好多人會在江邊放紙船.日與夜的古城形成強烈的對比.

古城的夜景

而當晚住的酒店係鳳凰古城天下鳳凰大酒店, 呢間酒店利用天然環境, 依山而建, 採用園林式的建築風格, 形成山中有樓, 樓中有山的風景.本來我們住應該設備好的房間, 可惜臨時有高官來住, 令到我們住的房間變得不太理想, 真掃興, 唉!!!!!!

請密切留意第3集呢~~~~BYE

逍遙頻道今日首播啦!!!!!

各位支持小妹的博客!

今天是逍遙頻道首播的大喜日子~~ YEAH!!!!!
其實有些對大家唔好意思是關頻道一拖再拖, 小妹終於覺得今日要同大家和自己兌現承諾, 就是在這開咪啦~~~

雖然PODCAST已經有了一段日子,但對我來講都係一種新的玩意,而且而家仍然在摸索階段,希望大家可以俾多D不同意見,可以令這頻道產生不同的火花.

在這多謝對小妹的關心,我只有係呢度說一聲"感謝"你地

好啦!!今日的主菜要出場啦!!!!!!

張家界之旅~~~ DAY 1