昔日蘋果

昨天小妹找東西的時候,不經意找到幾年前在蘋果日報刊登的舊作.雖然有微薄稿酬,但已經覺得很開心!因為有人欣賞自己的作品,還可以刊登報紙.這些都是很深刻的回憶.

以下是小妹兩篇拙作跟大家分享....

逍遙同樂會首次活動 ---- 試酒會

各位blog友,做得咁辛苦,係時候出來輕鬆一下!

而小妹知道大家對杯中物有興趣,所以自己一見到試酒會,就忍不住介紹俾鐘意飲番杯的朋友.

其實呢個試酒會係我上次參加的紅酒公司搞,小妹覺得上次氣氛不錯,所以今次小妹希望大家賞面一齊參加呢個試酒會!

詳請如下圖:


WINE LIST亦如下圖:


如有興趣,請EMAIL俾小妹啦!!!!!


PS 8月21日就會截止報名, 小妹會向試酒主持人訂位呢!!


記得e 俾我啦!!!!

女人的十大條件(二)之老婆篇

古時中國要娶得賢妻要三步不出閨門,仲要三從四德,三從就係在家從父,出嫁從父,老來從子,而四德就係德行,言辭,容貌及技藝.


但現今社會,男人能娶到好老婆就不用要什麼三從同四德,最重要有十大要素,亦是做老婆的十大條件;

第十位 --- 自主之見

雖然男人大多數喜歡女子柔如水的性格,但現在男人更喜歡女子有自己的想法和看法,畢竟而家男女平等嘛! 當然大家有緣在一齊之外,還要雙方要有溝通才可以繼續維持關係.

第九位 --- 一把令人舒服的聲線

雖然聲線是天生的,但後天也可以改良的,只要參加一些說話訓練班或配音班也可以,may be 自己發現自己聲線原來可以咁動聽!

第八位 --- 有幾味拿手小菜的絕招

雖然現今社會男子不太著重老婆是否能夠入廚,但老婆都要有識煑幾味拿手小菜,為大家增添不少的情趣,也可以綁住老公的胃呢!

第七位 --- 體會男人感受

男人同女人感受可算是南猿北徹,有時女人都唔明白男人為何喜歡拈花野草,而男人亦唔白女人喜歡耍性子,總要人家等大小姐.假如女人可以明白男人喜歡拈花野草的原因是喜歡新感覺,因為男人總為每個女人都給不同感覺俾自己,佢點可以放棄整個美麗的森林呢? 我並不是認為老婆可以縱容老公拈花野草,而是要明白原因先可以想到方法去解決事情.


第六位 --- 擁有自己的事業

雖然女子結緍之後便是人妻,但可以擁有自己的事業,也可以貢獻社會,別以為可以開心不用做,因為一個人唔番工的話,就等同社會脫節,亦都失去同老公分享的話題,結了婚之後,兩人相處時間變得多咗,繼而大家要維持婚姻關係都要靠不同的話題去溝通才可以.


第五位 --- 掛著微笑,靜靜地做耹聽者

大部份男人都唔喜歡整天"日哦夜哦"的老婆,所以老婆可以的話,對老公掛著微笑,靜靜地傾聽老公的每樣事情,至少老公見到老婆微笑,心中煩事差不多消了一半呢!


第四位 --- 真誠對待老爺和奶奶

假如婚後要同老爺奶奶一齊住的話,老婆真的要對待他們如父母一樣,因為很多家庭糾紛都是婆媳爭執所引起,若要開戰的話,首先要停一停,想一想,讓自己冷靜一下才是上策.

第三位 --- 床技要多元化
性是中國人比較避忌的話題,但其實是一個最生活不過的話題,除非和尚妮姑不會談的話,俗世人會接觸的.既然大家一齊生活,床上招式唔好獨沽一味是傳教仕式,加多些新招式,玩得開心D,大家都會恩愛D,只要不會影響別人就可以,如大家有時間的話,都可以玩制服誘惑,包保老公唔會再出去偷食.

第二位 --- 說話大方得體,即使罵人不帶髒字
如女子有高尚修養,即使教育水平不多,也可以發揮吸引別人的感覺,令人眼前一亮,可以維持高尚修養的背後就是極高的EQ.

第一位 --- 令人有一見難忘的感覺
當男人見到心儀女人會動情,因為佢見到一個令自己有一見難忘的感覺,那女子未必是美女,正所為情人眼裏出西施,然後世上又有幾多對是金童玉女?

女人的十大條件(一)之阿媽篇

在現今社會裏,每個女人都要演不同角色,如阿媽,女朋友,老婆,單身女,以及女强人角色.
每個角色都有不同之處,想好好演不同角色,就要看以下十大條件;

首先要介紹的偉大角色,當然是阿媽啦! (有誰唔滿意?小心俾雷劈呀!)

第十位 --- 精打細算
而家通賬咁厲害,如果你係有錢人的話,就唔駛度住度住,但如果係打工的話,就要到處四圍格價,又或者等到特價先去買.先可以將錢盡量發揮,即係"應駛得駛"

第九位 --- 善用時間
時間係唔會等人的,尤其是一邊工作,一邊要照顧小朋友的媽媽,對她們來講簡直是爭分奪秒,每朝返學,返工就係一個好例子,佢地要照顧小朋友返學,又要準備早餐,仲要照顧自己同老公返工,同一時間要做三件事,超人都未必得啦!

第八位 --- 懂得入廚
做阿媽至少要識整一兩味拿手小菜,為小朋友及老公著想,如果唔識煮的話,就要好好學習,因為呢個係阿媽必殺技!

第七位 --- 包容體諒 (一句講哂就係"忍")
見到小朋友"駁嘴"時,一定要忍住唔打佢,唔鬧佢,而且仲要好好解釋俾佢聽.如果自己係壞脾氣的人,就要自己冷靜一下,過冷河先,咁對小朋友,自己都係好事.

第六位 --- 要俾別人快一步
而家養小朋友都要駛幾多錢,有D仲話要一個要成四百萬,所以要有一套投資計劃,先可以輕輕鬆鬆來應付育兒費用,而且仲要小朋友幾歲時已經要幫佢地開始計劃,你話唔要快人一步,理想又點達到呢?

第五位 --- 切忌做鵝(日哦夜哦)
每個人都唔鐘意俾人哦,做阿媽真係唔好時時都哦老公,小朋友咁,哦得多的話,老公都怕咗你啦!

第四位 --- 要有危機意識
好多家居意外都係人為所造成,所以做阿媽要有相當高的危機意識,先可以將意外減到最低.

第三位 --- 高EQ同AQ
阿媽要有相當高的EQ同AQ,因為佢地要面對老爺奶奶,小朋友,仲要應酬老闆,老公的朋友等,而且有時要面對逆境,EQ同AQ少D都唔掂.

第二位 --- 冒險精神
生仔係一件高風險的事情,由懷孕到生得的期間,每分鐘都要同死神搏鬥,少D冒險精神都唔得.

第一位 --- 不怕辛苦,不怕痛
生仔係痛苦級數排行第十,即係話最痛就係生仔,所以男人呢世都唔會明白呢種感受,所以阿媽要唔怕辛苦,唔怕痛生小朋友先可以做到.

PS 如有遺漏,不妨提出.小妹樂意接受不同意見.